|
სამეცნიერო შეხვედრები
|
|
ა/წ 10 ოქტომბერს ქ. თბილისში სასტუმრო "შერატონ მეტეხი პალას"-ში რუსეთის "გულის უკმარისობის საზოგადოების" ხელმძღვანელის პროფ. ვ.ი. მარეევისა და პროფ. ს.ნ. ტერეშჩენკოს მონაწილეობითა და ფარმაცევტული ფირმა "ნიკომედის" მხარდაჭერით ჩატარდა სამეცნიერო-პრაქტიკული კონფერენცია "გულის ქრონიკული უკმარისობის თანამედროვე სტრატეგია, სხვა თანმხლები დაავადებების არსებობის დროს". გულის ქრონიკული უკმარისობის სკოლის პროგრამა მოიცავდა გულის ქრონიკული უკმარისობის მკურნალობის პრინციპებს, ბეტა-ბლოკერების გამოყენების შესაძლებლობებს ფილტვების ქრონიკული ობსტრუქციული დაავადებების დროს, გულის ქრონიკული უკმარისობის შემთხვევით კავშირსა თუ კანონზომიერებას შაქრიან დიაბეტთანჱ გულის ქრონიკული უკმარისობა და მოციმციმე არითმია - როგორც ერთი დაავადების ორ პრობლემა. ა.წ. 22-23 ოქტომბერს, ქ. თბილისში, გაიმართება ექსპერტთა II საერთაშორისო შეზვედრა თემაზე “ახალი მიმართულებები პრენატალურ და პერინატალურ მედიცინაში”. კონგრესის პრეზიდენტი გახლავთ პროფესორი ვლადიმერ ჭიპაშვილი. კონგრესზე წარმოდგენილ იქნება შემდეგი თემები: ადამიანის რეპროდუქტოლოგია, პრენატალური და პერინატალური მედიცინა, ოჟახის ექიმის პრაქტიკა, ნაყოფისა და დედის მედიცინა, სამედიცინო გენეტიკა, პედიატრია, ქირურგია პედიატრიაში, მათემატიკური მეთოდები, გამოცდილი სისტემები და კომპიუტერები მედიცინაში, ანესთეზიოლოგია და სხვა მონათესავე თემები. დაწვრილებითი ინფორმაცია იხილეთ შემდეგ მისამართზე: www.tsmu.edu/relation/news/conference www.caucasus.ge/news/conference ა/წ 15 ოქტომბერს, ქ. თბილისში, კოსტავას ქ.77-ში, პოლიტექნიკური უნივერსიტეტის სააქტო დარბაზში ჩატარდა საერთაშორისო სიმპოზიუმი "კარდიომიოპათია და ვირუსული მიოკარდიტი" მიძღვნილი აკადემიკოს ნოდარ ყიფშიძის სამეცნიერო-პრაქტიკული მოღვაწეობის 60 წლის საიუბილეო თარიღისადმი. |